بتلومى سفرى يامه ليه وانتى عارفه قدايه
حبى ليكى مالوش حدود
سافرت يمكن يجى يوم تنسى فيه كل الهموم
والخير ياأمى فى يوم يعود
سافرت يامه لما ساد الظلم فوق كل العباد
م العدل نايم فى ركود
سافرت لما قل صبرى دا اللى حاصل شل فكرى
السرقه علنى وبنود
سافرت يامه غصب عنى سافرت والله ف يوم لانى
مش قادر اعيش عيشة قرود
صدقينى وبامانه كرامة اولادك مهانة
لما بيعدوا الحدود
بره ارضيك يا حبيبه عمرنا ماشوفنا طيبه
اوفى يوم شوفنا ورود
رغم خيرك ع الجيران النهادره ومن زمان
بلعنوكى وبرود
ولما خدنى الشوق اليكى قلت ارجع واحكى ليكى
ع اللى شفته من جحود
ورجعت تانى من جديد ولقيتنا عايشين كالعبيد
من غير ما يبقى لنا وجود
من غير ما يبقلنا كيان اشجع شجاع فيكى جبان
خايف ياامى م الشهود
والشهود جاهزين كتير دول مايعرفيش معنى الضمير
ما يعرفيش غير القيود
امسحيهم من حياتك دول ياغاليه باعواذاتك
باعو ارضك لليهود
موتوا فينا الكرامه علمونا ان الشهامه
ننضرب فوق الخدود
ننضرب ونقول مفيش انضربنا عشان نعيش
وندعى ليهم فى السجود
واقفه ساكته ليه يا امى لما ذاد همك وهمى
عايزه اذن من الجدود
عايزه خوفو يعود الينا ولا خفرع ولا مينا
لجل نشعر بالوجود
شاعر الدموع